Kryetari i Aleancës Kosovare të Bizneseve, Agim Shahini, ka paralajmëruar se bllokimi i Ngushticës së Hormuzit do të shkaktojë një krizë globale me pasoja të rënda për Lindjen e Mesme dhe botën. Ai thekson se mbi 80% e ushqimit për Lindjen e Mesme dhe rreth 20% e energjisë globale kalojnë përmes këtij korridori strategjik, duke e bërë atë një pikë kyçe për ekonominë dhe sigurinë globale. Një ndërprerje në këtë zonë do të shkaktonte mungesë ushqimi dhe uji të pijshëm në Lindjen e Mesme, rritje të çmimeve të energjisë dhe destabilizim të tregjeve ndërkombëtare. Shahini bën thirrje për diversifikimin e rrugëve të furnizimit, rritjen e rezervave strategjike dhe forcimin e sigurisë ushqimore dhe energjetike për të shmangur pasojat katastrofale.