Një hulumtim i Institutit për Hulumtime dhe të Drejtat e Njeriut (IHDNj) ka zbuluar se 80% e minatorëve në Kosovë janë vazhdimisht të ekspozuar ndaj rreziqeve serioze në punë, ndërsa 58% janë diagnostifikuar me sëmundje profesionale gjatë vitit të fundit. Gjetjet tregojnë se 70% e minatorëve kanë punuar pa pajisje mbrojtëse, ndërsa kushtet e punës përfshijnë temperatura ekstreme dhe ventilim të pamjaftueshëm, duke rritur rrezikun për sëmundje respiratore dhe probleme të tjera shëndetësore. Drejtoresha ekzekutive e IHDNj-së, Kaltrina Rexhepi, kërkon krijimin e një liste zyrtare të sëmundjeve profesionale dhe ndryshime ligjore që do t’u mundësojnë minatorëve pensionim të parakohshëm për shkak të rreziqeve në punë. Ministri për Punë, Familje dhe Vlerat e Luftës Çlirimtar, Andin Hoti, ka premtuar forcim të mekanizmave të monitorimit dhe mbështetje për pensionim të parakohshëm, ndërsa ambasadori i Suedisë në Kosovë, Jonas Ëesterlund, ka theksuar rëndësinë e njohjes së sëmundjeve profesionale si një çështje të drejtave të njeriut dhe besimit në institucione.