Shoqatat e transportit publik në Shqipëri paralajmërojnë ndërprerje të shërbimit për rreth 450 linja për shkak të rritjes së çmimit të karburantit dhe mungesës së kompensimit nga institucionet. Ata i kanë dërguar letra ministrave të Ekonomisë dhe Infrastrukturës, duke kërkuar ndërhyrje urgjente për të shmangur krizën. Pavarësisht premtimeve për një takim pas 1 Prillit, institucionet nuk kanë reaguar ende, duke vënë në rrezik vijimësinë e shërbimit publik. Shoqatat theksojnë se nëse nuk ka një përgjigje të shpejtë, operatorët nuk do të kenë mundësi financiare për të vazhduar aktivitetin nga java e ardhshme.