Pas një periudhe ngadalësimi, qiratë në Zvicër pritet të rriten përsëri me një ritëm më të shpejtë, sipas parashikimeve të bankës Raiffeisen. Kjo rritje lidhet me përfundimin e ndikimit të normave të ulëta të interesit dhe me rritjen e kostove të ndërtimit për shkak të çmimeve më të larta të energjisë, të nxitura nga konflikti në Iran. Ekspertët theksojnë se mungesa e banesave të lira dhe kërkesa e lartë në treg po mbajnë çmimet në nivele të larta, ndërsa ndërtimi i banesave mbetet i ngadalësuar për shkak të rregulloreve të rrepta dhe procedurave të gjata të autorizimit. Ndërkohë, pronarët e shtëpive nuk kanë shfaqur ende reagime të dukshme ndaj heqjes së vlerës së qirasë, duke pasur kohë për të planifikuar rinovimet dhe strategjitë e tyre financiare para vitit 2029.