Tre operatorët energjetikë në Kosovë, KEDS, KESCO dhe KOSTT, kanë kërkuar rritjen e tarifave të energjisë elektrike për vitin 2026, duke argumentuar rritjen e kostove operative dhe nevojën për furnizim të qëndrueshëm. Kërkesa e tyre është në proces shqyrtimi nga Zyra e Rregullatorit të Energjisë Elektrike (ZRRE), e cila po kryen analiza teknike dhe financiare për të marrë një vendim final. Eksperti i energjetikës Adhurim Haxhimusa parashikon se ZRRE do të detyrohet të rrisë tarifat, për shkak të vështirësive në prodhimin e energjisë, përfshirë renovimin e bllokut të Kosovës B dhe nevojën për import të energjisë. Nga ana tjetër, grupi qytetar “Asnjë cent më shumë” paralajmëron protesta dhe masa kundërshtuese për të mbrojtur konsumatorët nga pasojat e rritjes së çmimeve të energjisë.