Nga data 24 mars 2026, çmimet e biletave të autobusëve në disa linja rajonale do të rriten, sipas një njoftimi të publikuar nga transportuesit. Për shembull, udhëtarët që udhëtojnë në linjën Mitrovicë – Prishtinë do të paguajnë 2 euro për një drejtim, ndërsa në linjën Mitrovicë – Vushtrri çmimi do të jetë 0.70 euro. Ndryshime çmimesh ka edhe në linjat Vushtrri – Prishtinë, Shupkovc – Prishtinë, Kqiq i Vogël – Prishtinë dhe disa fshatra drejt Vushtrrisë, ku bileta kushton 1 euro, ndërsa për nxënësit 0.70 euro. Njoftimi është nënshkruar nga përfaqësuesi i transportuesit dhe pritet të hyjë në fuqi nga dita e nesërme.