Ministri në detyrë i Bujqësisë, Armend Muja, ka nënshkruar Udhëzimin Administrativ për Pagesat Direkte – Subvencionet 2026, duke hapur rrugën për fillimin e mbështetjes financiare për fermerët kosovarë. Ky udhëzim parashikon rritje të ndjeshme të subvencioneve për sektorë kyç si perimet në fushë dhe serra, pemët, grurin me rendiment të lartë, mjedrat, patatet, fasulet, vreshtat dhe sektorin e qumështit. Përveç rritjeve në përqindje, përfshihen edhe mbështetje financiare shtesë për fermerët që kultivojnë hektarin e parë, për plehun artificial, naftën dhe për të rinjtë që hyjnë për herë të parë në skema. Ministri Muja theksoi se ky udhëzim është konceptuar si një kornizë afatgjatë, në përputhje me standardet evropiane, që do të ofrojë siguri dhe mundësi më të mira për planifikimin dhe zhvillimin e bujqësisë në Kosovë.