Ministri i Financave, Hekuran Murati, ka raportuar ndryshime në vlerën e aksioneve që mban në kompani të huaja, sipas deklarimit të tij të pasurisë. Vlera e aksioneve në “Tesla” është rritur nga 39 mijë në rreth 46 mijë euro, ndërsa ajo në “Netflix” ka pësuar një ulje të lehtë, duke zbritur nga 17 mijë në 16 mijë euro. Përveç këtyre, Murati zotëron aksione edhe në kompanitë gjermane “Allianz” dhe “Volkswagen”, si dhe ka depozita bankare prej 6,700 eurosh. Ai ka deklaruar një banesë 41 metra katrorë, të blerë me hua familjare të cilat janë shlyer, dhe nuk posedon veturë apo pasuri të tjera të luajtshme me vlerë mbi 3,000 euro.