Qeveria do të shqyrtojë nesër në seancë ribalancin e buxhetit, ku pritet një korrigjim i deficitit buxhetor me rritje. Ministrja e Financave, Gordana Dimitrievska-Koçoska, konfirmoi se kjo rritje lidhet kryesisht me nevojat e shtuar për financimin e investimeve kapitale. Përveç kësaj, do të ketë ndryshime edhe në anën e të ardhurave, sidomos në pjesën e akcizave, për shkak të masave të marra për karburantet gjatë periudhës së kaluar. Ajo theksoi se akciza do të korrigjohet me rreth 1.5 miliardë denarë, por është ende e vështirë të bëhen llogaritje të sakta për momentin.