Agjencia e Statistikave të Kosovës ka publikuar rezultatet e Anketës së Ekonomive Bujqësore për vitin 2025, që tregojnë një rritje të lehtë të sipërfaqes së tokës bujqësore dhe të fondit blegtoral krahasuar me vitin paraprak. Sipërfaqja e përgjithshme e tokës së shfrytëzuar është rritur për 510.9 hektarë, duke arritur mbi 420 mijë hektarë, ku pjesa më e madhe i përket livadheve dhe kullosave. Në këtë periudhë është vërejtur gjithashtu rritje e sipërfaqeve të mbjella me drithëra dhe perime, me dominim të drithërave në 128 mijë hektarë nga toka e punueshme prej 189 mijë hektarësh. Sektori i blegtorisë ka shënuar rritje të lehtë, me numrin e gjedheve dhe deleve që janë rritur krahasuar me vitin 2024, ndërsa metodologjia e anketës është harmonizuar me standardet e Eurostatit për një pasqyrë të detajuar të zhvillimeve bujqësore në Kosovë.