Në katër vitet e fundit, numri i pensionistëve në Kosovë është rritur me 20 mijë persona, duke shtuar presionin mbi skemën sociale dhe buxhetin e shtetit. Për vitin 2026, janë parashikuar rreth 300 milionë euro vetëm për pensionet e moshës dhe kompensimet, ndërsa në total për të gjitha kategoritë e pensioneve buxheti arrin në 577 milionë euro. Ekspertët paralajmërojnë se rënia e tregut të forcës punëtore dhe rritja e pensionistëve mbi 65 vjeç, që në 13 vitet e fundit është rritur për 48.8%, paraqesin një sfidë serioze për ekonominë e vendit. Ata theksojnë nevojën për ndërhyrje institucionale dhe gjetjen e modaliteteve për mbështetjen e pensionistëve, për të shmangur ngarkesën e tepërt sociale dhe për të ruajtur zhvillimin ekonomik.