Pas dy viteve të menaxhimit të vështirë të financave publike në kushte globale të paqarta dhe krizash energjetike, ekonomia e vendit po shënon një rikuperim të qëndrueshëm dhe rritje të vazhdueshme. Ministrja e Financave, Gordana Dimitrieska-Koçoska, njoftoi se rritja ekonomike pritet të arrijë 3 për qind në vitin 2024 dhe të vazhdojë me një trajektore pozitive në vitet 2025 dhe 2026. Inflacioni, i cili në vitin 2022 arriti në 14.2 për qind, është ulur në 4.8 për qind në maj 2026, duke krijuar kushte për rritje reale të pagave dhe përmirësim të fuqisë blerëse të qytetarëve. Në këtë periudhë janë servisuar mbi 4.4 miliardë euro nga borxhi publik, ndërsa prioritet mbetet stabilizimi i financave dhe sigurimi i pagesave të rregullta për pagat, pensionet dhe transfere sociale.