Ministri i Financave, Hekuran Murati, ka njoftuar se janë ekzekutuar pagat e sektorit publik me një rritje të shtesës për përvojën e punës. Shtesa për përvojën e punës është rritur nga 0.25% në 0.50% për 15 vitet e para të përvojës, duke sjellë një rritje efektive të pagave për të gjithë të punësuarit në sektorin publik. Përveç kësaj, është paguar edhe paga e 13-të për të gjithë punonjësit që paguhen nga buxheti i shtetit. Kjo shtesë e rritur është aplikuar jo vetëm për muajin aktual, por edhe në mënyrë retroaktive për muajt janar dhe shkurt.