Ministri në detyrë i Infrastrukturës dhe Transportit, Dimal Basha, ka njoftuar se rruga Junik-Gjeravicë është drejt përfundimit, me një investim mbi 4.8 milionë euro. Projekti, me gjatësi prej 18 kilometrash, do të sigurojë qasje më të shpejtë dhe më të sigurt drejt Gjeravicës, majës më të lartë të Kosovës, duke nxitur zhvillimin e turizmit dhe ekonomisë lokale. Gjatë zbatimit të projektit janë hasur disa çështje pronësore, të cilat tashmë janë zgjidhur, duke mundësuar vazhdimin normal të punimeve. Ky investim përfaqëson një prioritet të qeverisë për zhvillimin e infrastrukturës në zonat malore dhe krijimin e mundësive të reja për banorët dhe vizitorët e kësaj zone.