Në hapjen e fabrikës “Green House”, Ramush Haradinaj ka përshëndetur investimin e familjeve Rexhepaj dhe Mehmetaj, të cilët pas kthimit nga Zvicra kanë ngritur një kompani që eksporton në tregjet evropiane. Ai ka theksuar se ky sukses tregon se puna dhe vizioni mund ta bëjnë Kosovën konkurruese në Evropë, por ka paralajmëruar se çmimi i lartë i energjisë elektrike po e vështirëson ndjeshëm situatën për bizneset vendore. Haradinaj ka nënvizuar se pa kushte të favorshme për investitorët, nuk mund të pritet rritje e prodhimit, eksportit dhe vendeve të punës. Në qeverisjen e ardhshme, prioritet do të jetë ndërtimi i termocentralit të ri dhe realizimi i gazsjellësit amerikan për të siguruar energji stabile dhe më të lirë për bizneset kosovare.