Agjencia për Informim dhe Privatësi (AIP) ka pranuar 207 ankesa gjatë tremujorit të parë të vitit 2026, duke trajtuar një pjesë të konsiderueshme të tyre, por sfidat kryesore mbeten mungesa e stafit dhe buxheti i kufizuar. Komisionerja Krenare Sogojeva-Dermaku theksoi se, pavarësisht ngarkesës së madhe, nuk është shqiptuar asnjë gjobë për mos-ofrimin e qasjes në dokumente publike, ndërsa është rritur numri i ankesave për mbrojtjen e të dhënave personale. AIP operon me vetëm 6 inspektorë për të mbuluar gjithë territorin e Kosovës dhe përballen me mungesë financiare që pengon fushatat ndërgjegjësuese për qytetarët. Megjithatë, Agjencia ka futur në funksion platforma digjitale për monitorimin e rrjedhës së të dhënave personale dhe vazhdon të njoftojë institucionet për shkeljet, por ndërgjegjësimi i qytetarëve mbetet i ulët, sidomos për rreziqet nga teknologjitë e reja dhe inteligjenca artificiale.