Kryetari i Aleancës Kosovare të Bizneseve, Agim Shahini, zhvilloi një takim në Paris me senatorët francezë Thierry Meignen dhe Francis Szpiner, ku diskutuan për forcimin e bashkëpunimit ekonomik ndërmjet Kosovës dhe Francës. Takimi u fokusua në rritjen e besimit dhe investimeve franceze në Kosovë, si dhe në krijimin e partneriteteve të reja mes bizneseve të të dy vendeve. Shahini theksoi rëndësinë e Francës si partner strategjik evropian dhe nevojën për bashkëpunim konkret ekonomik dhe investime të qëndrueshme në Kosovë. Aleanca Kosovare e Bizneseve do të vazhdojë përpjekjet për ndërkombëtarizimin e bizneseve kosovare dhe promovimin e Kosovës si destinacion për investime në Ballkanin Perëndimor dhe Bashkimin Evropian.