Ambasada e Francës në Kosovë njoftoi se shkëmbimet tregtare ndërmjet dy vendeve arritën në 100 milionë euro gjatë vitit 2024, me 80 milionë euro eksporte franceze në Kosovë. Investimet e drejtpërdrejta franceze në Kosovë nga viti 2008 deri në 2023 kapin vlerën prej 67 milionë eurosh, duke shënuar një rritje të dukshme që nga viti 2020. Shkëmbimet tregtare janë rritur me 33% në periudhën 2020–2024, duke reflektuar intensifikimin e partneritetit ekonomik mes dy vendeve. Presidenti i Francës, Emmanuel Macron, në një letër urimi për 18-vjetorin e Pavarësisë së Kosovës, theksoi rëndësinë e bashkëpunimit në fusha të ndryshme dhe shprehu shpresën për zhvillimin e mëtejshëm të marrëdhënieve ekonomike dhe kulturore.