Kompania Rajonale e Ujësjellësit “Mitrovica” ka nisur një aksion masiv të shkyçjes së konsumatorëve që nuk kanë paguar faturat e ujit, duke paralajmëruar se ky proces do të vazhdojë edhe në ditët në vijim. Përpara ndërprerjes së shërbimit, konsumatorët janë njoftuar me shkrim dhe u është dhënë mundësia të kryejnë pagesat ose të lidhin marrëveshje riprogramimi me këste për të shmangur shkyçjen. KRU “Mitrovica” ka bërë thirrje të forta për pagesa të shpejta, duke theksuar se mosveprimi do të sjellë masa ndëshkimore sipas ligjit në fuqi. Qytetarët paralajmërohen të reagojnë me kohë për të evituar ndërprerjen e shërbimit të ujit dhe pasojat që kjo mund të sjellë në jetën e përditshme.