Shoqata e Industrisë së Qumështit të Kosovës ka shprehur shqetësim lidhur me mënyrën se si Ministria e Bujqësisë dhe Agjencia e Ushqimit dhe Veterinarisë kanë prezantuar rezultatet e kontrolleve në sektorin e qumështit. Ndërsa mbështesin kontrollin institucional dhe sigurinë ushqimore, ata kundërshtojnë dënimin publik pa publikimin e analizave origjinale, dokumentacionit dhe provave të verifikueshme. Shoqata ka kërkuar publikimin e raporteve laboratorike të plota, etiketave origjinale, numrave të loteve, datave dhe vendeve të mostrimit, si dhe sqarime për mospërputhjet e identifikuara në mostrat e marra. Ata paralajmërojnë se nëse këto të dhëna nuk bëhen publike deri më 12 gusht 2026, do të ndalojnë grumbullimin e qumështit, duke theksuar se dëmtimi i besimit në prodhimin vendor ndikon negativisht edhe fermerët dhe kompanitë që investojnë në këtë sektor.