Agjencia e Statistikave të Kosovës ka publikuar të dhënat për llogaritë qeveritare të tremujorit të dytë të vitit 2026, ku shihen rritje të lehta të të hyrave dhe rritje shumë më të madhe të shpenzimeve. Të hyrat e qeverisë arritën në 974.7 milionë euro, duke shënuar një rritje modeste prej 2.1 milionë eurosh krahasuar me të njëjtën periudhë të vitit 2025. Ndërkaq, shpenzimet u rritën me rreth 213 milionë euro, ose 27.1 për qind, duke arritur në 997.9 milionë euro dhe duke tejkaluar të hyrat për 23.2 milionë euro.