Në Ballkanin Perëndimor, Shqipëria dhe Mali i Zi kanë raportin më të lartë të borxhit publik ndaj Prodhimit të Brendshëm Bruto, me 52.9% dhe 63.5% përkatësisht në vitin 2025. Megjithatë, Shqipëria ka shënuar një ulje të vazhdueshme të borxhit gjatë viteve të fundit, duke e ulur atë nga 74.1% në 2021 në 52.9% në 2025, me parashikime për ulje të mëtejshme. Ndërkaq, Mali i Zi pas një rënieje fillestare, ka nisur të rrisë borxhin, i cili pritet të arrijë në 69.4% në vitin 2026 për shkak të zgjerimit të shpenzimeve dhe nevojave financiare. Kosova mbetet vendi me borxhin më të ulët në rajon, duke ulur raportin nga 21.5% në 2021 në 15.6% në tremujorin e parë të vitit 2026, pa parashikime të qarta për vitet në vijim.