Sipas të dhënave të Eurostat për vitin 2024, Shqipëria ka nivelin më të lartë në Europë të privimit të rëndë material dhe social, me rreth 35% të popullsisë që nuk mund të përballojë të paktën 7 nga 13 nevojat bazë për një standard jetese të përshtatshëm. Këto përfshijnë pagesën e qirasë dhe faturave, shpenzimet e papritura, konsumimin e mishit, pushimet, blerjen e rrobave të reja, pjesëmarrjen në aktivitete sociale dhe aksesin në internet. Krahasuar me mesataren e Bashkimit Europian prej 6.3%, Shqipëria mbetet shumë prapa edhe vendeve të rajonit si Maqedonia e Veriut, Serbia dhe Mali i Zi. Megjithëse privimi ka rënë nga 46% në 2018 në 35% në 2024, situata vazhdon të jetë shqetësuese dhe tregon një hendek të madh në mirëqenie mes Shqipërisë dhe vendeve të tjera europiane.