Shqipëria ka filluar zyrtarisht përgatitjet ligjore për të adoptuar monedhën euro si njësinë monetare zyrtare të vendit, duke nisur me projektligjin “Për Bankën e Shqipërisë”. Ky dokument përfshin për herë të parë një kapitull të veçantë që përcakton funksionimin e bankës qendrore pas anëtarësimit në Eurozonë, duke i dhënë asaj përgjegjësinë për hedhjen dhe tërheqjen e kartëmonedhave dhe monedhave euro sipas rregullave të Bashkimit Evropian dhe Bankës Qendrore Evropiane.