Shqipëria renditet ndër vendet me produktivitetin më të ulët në Europë, veçanërisht në ndërmarrjet e mëdha, ku prodhimi për punonjës është vetëm 22.6% i mesatares së BE-së. Megjithatë, punonjësit shqiptarë punojnë orë shumë të gjata, mesatarisht 41.3 orë në javë, duke u renditur të tretët në Europë për kohën e punës, pas Turqisë dhe Malit të Zi. Në rajon, të gjithë punojnë më shumë se mesatarja e Bashkimit Europian, ku orët mesatare janë 35.9 në javë, ndërsa në Shqipëri kjo shifër është dukshëm më e lartë. Produktiviteti i ndërmarrjeve të vogla dhe të mesme në Shqipëri është gjithashtu shumë më i ulët se në BE, duke treguar një hendek të madh në efikasitetin ekonomik krahasuar me vendet e tjera europiane.