Një raport i Komisionit Europian për vitin 2024 tregon se 39% e punonjësve shqiptarë kanë vështirësi të mëdha për të përballuar shpenzimet mujore, shifër kjo më e larta në Europë dhe shumë më e lartë se mesatarja europiane prej 8%. Shqipëria kryeson listën me probleme financiare, duke lënë pas vende si Greqia me 21% dhe Kosovën me 18%. Raporti evidenton se prindërit e vetëm, punonjësit me kontrata të përkohshme dhe ata në profesione me kualifikim të ulët janë më të cenueshmit në aspektin ekonomik. Këto të dhëna ngrenë nevojën për politika mbështetëse të synuara për grupet më të prekura, ndërsa Shqipëria mbetet në nivele rekord të vështirësive financiare krahasuar me vendet e tjera të rajonit dhe Europës.