Shërbimi Spitalor Klinik dhe Universitar i Kosovës (SHSKUK) ka mirëpritur raportin e Auditimit për vitin 2025 nga Zyra Kombëtare e Auditimit, duke vlerësuar rolin e saj në forcimin e transparencës dhe menaxhimit financiar. Raporti nuk ka gjetur keqpërdorime apo dëmtime të buxhetit, por ka evidentuar çështje teknike dhe procedurale, të cilat SHSKUK po i adreson me masa konkrete dhe implementim të rekomandimeve. Një nga çështjet e trajtuara ka qenë menaxhimi i produkteve me afat të skaduar, të cilat ishin rezerva të pandemisë dhe tashmë janë larguar nga sistemi. Gjithashtu, SHSKUK ka përmirësuar evidencat e pasurive, ka rishikuar procedurat financiare dhe ka filluar shpalljen e konkurseve për pozitat drejtuese të mbuluara me ushtrues detyre, duke synuar një menaxhim më efikas dhe transparent të shërbimeve shëndetësore në vend.