Qeveria ka vendosur të shtyjë afatin për lidhjen e kontratave të qirasë për stacionet e plazhit deri në fund të muajit qershor, duke synuar një koordinim më të mirë mes institucioneve dhe pushtetit vendor. Ndryshimet në kontratat ekzistuese do të bëhen vetëm me dakordësinë e të dyja palëve, veçanërisht në rast të ndryshimit të kapaciteteve të strukturave akomoduese. Për të shmangur abuzimet me çmimet e çadrave dhe shezlongëve, përcaktimi i çmimeve tavan do të jetë në dorë të këshillave bashkiakë, të cilët do të marrin parasysh faktorë si zhvillimi turistik dhe intensiteti i kërkesës në zona të ndryshme. Disa plazhe të njohura përjashtohen nga ky rregull dhe u lejohet të kenë stacione plazhi edhe subjekte të tjera si bare dhe restorante.