Zyra e Rregullatorit të Energjisë (ZRRE) ka njoftuar shtyrjen e vendimmarrjes për daljen në treg të hapur të energjisë elektrike deri më 1 maj 2026, për shkak të nevojës për një analizë më të thelluar dhe vlerësim të kostove të ndërmarrjeve të rregulluara. Megjithatë, kjo shtyrje nuk pengon konsumatorët që plotësojnë kushtet të ushtrojnë të drejtën e tyre për të dalë nga shërbimi universal që nga data 1 prill 2026 dhe të vazhdojnë procedurat e kalimit në furnizuesin e zgjedhur sipas afateve dhe procedurave të parashikuara. ZRRE do të monitorojë procesin me kujdes dhe do të njoftojë publikun për çdo zhvillim të mëtejshëm. Burimet mediatike raportojnë se në tregun e hapur pritet të kalojnë rreth 111 kompani, dyfish më shumë se numri zyrtar prej 50 kompanive të parashikuara më parë.