Gjatë muajit qershor 2026, Korporata Energjetike e Kosovës (KEK) ka prodhuar 305,916 MWh energji elektrike, duke tejkaluar kërkesën për konsum prej 282,608 MWh me 8.2%. Kjo kapacitet i prodhimit mbi 100% tregon stabilitetin dhe besueshmërinë e njësive prodhuese të KEK, të cilat pas rikthimit në operim kanë ofruar mbi 120% të kërkesës ditore për konsum për pjesën më të madhe të muajit. KEK thekson se kjo situatë konfirmon rolin e saj kyç në garantimin e sigurisë energjetike të Republikës së Kosovës dhe përkushtimin e vazhdueshëm për stabilitetin operacional të sistemit energjetik. Ky zhvillim është një tregues pozitiv për furnizimin me energji dhe për mbështetjen e nevojave të konsumatorëve në vend.