Organizata VLEN thekson se zhvillimi ekonomik nuk arrihet me premtime, por përmes politikave konkrete që mbështesin bizneset, investimet dhe krijimin e vendeve të reja të punës. Ministri i Ekonomisë dhe Punës, Besar Durmishi, ka bërë thirrje që kompanitë që plotësojnë kushtet të aplikojnë për mbështetjen financiare të ofruar nga Ligji për Mbështetje Financiare të Investimeve. Ky ligj synon të ndihmojë investimet në kapacitete prodhuese, teknologji moderne dhe projekte kërkimore, duke forcuar konkurrueshmërinë dhe duke krijuar një ekonomi më dinamike. VLEN thekson se mbështetja e sektorit privat është një investim në mirëqenien e qytetarëve dhe zhvillimin afatgjatë të vendit, duke mbështetur inovacionin dhe krijimin e vendeve cilësore të punës.