Kryetari i Aleancës Kosovare të Bizneseve, Agim Shahini, u prit në Parlamentin Evropian për të diskutuar rëndësinë e përfshirjes së sektorit privat të Kosovës në Plani i Rritjes për Ballkanin Perëndimor. Ai theksoi se fondet evropiane nuk duhet të mbeten vetëm në projekte institucionale, por duhet të krijojnë mundësi konkrete për kompanitë private përmes investimeve, kredive të favorshme dhe inovacionit. AKB-ja kërkon kushte të barabarta dhe transparencë për bizneset kosovare, duke theksuar se përfshirja e sektorit privat është kyçe për rritjen ekonomike dhe integrimin evropian të Kosovës. Agim Shahini nënvizoi nevojën për mekanizma të qartë dhe të qasshëm që do të fuqizojnë ekonominë dhe do të bëjnë biznesin partner aktiv në procesin e integrimit evropian.