Ish-zv.kryeministri dhe kryetari i Shoqatës Maqedonase të Energjisë, Koço Angjushev, theksoi se Maqedonia ka potencial të madh për të përmirësuar përdorimin e energjisë elektrike përmes investimeve në sistemet e ruajtjes në bateri. Këto sisteme do të mundësojnë ruajtjen e energjisë gjatë periudhave me çmime të ulëta dhe përdorimin ose eksportimin e saj kur kërkesa dhe çmimet janë më të larta. Angjushev përmendi shembullin e Bullgarisë, e cila ka përfituar financiarisht nga kjo teknologji, dhe nxit Maqedoninë të mos humbasë këtë mundësi. Përveç përfitimeve për investitorët në burimet e rinovueshme, bateritë do të ndihmojnë edhe në balancimin më të mirë të sistemit elektrik, duke ulur kostot e menaxhimit të tij.