Ekonomitë e Ballkanit Perëndimor tregojnë modele të ndryshme zhvillimi, ku Shqipëria dhe Kosova dallojnë për peshën e lartë të sektorit të ndërtimit në ekonominë e tyre, duke përbërë përkatësisht 13.8% dhe rreth 10% të vlerës së shtuar bruto. Ky sektor ka qenë motor i rritjes ekonomike, por mbështetja e tepruar në ndërtim paraqet sfida për qëndrueshmërinë afatgjatë, pasi krijon më pak hapësira për rritje produktiviteti dhe inovacion. Në kontrast, Serbia ka zhvilluar një model më të orientuar drejt teknologjisë dhe industrisë, me një peshë të lartë të sektorit të informacionit dhe komunikimit, duke synuar rritjen e eksporteve dhe punësimin e kualifikuar. Të tjerat vende të rajonit, si Mali i Zi, Maqedonia e Veriut dhe Bosnjë-Hercegovina, kanë struktura më të balancuara, me varësi të ndryshme nga tregtia, turizmi, industria dhe bujqësia.