Në Maqedoni, dasmat vazhdojnë të mbajnë gjallë tregun e arit, pavarësisht çmimeve të larta që kanë arritur në tregjet ndërkombëtare. Një gram ari kushton rreth 120 euro, ndërsa çmimi për një ons ka kaluar në 3.736 euro, duke reflektuar një rritje të fortë gjatë viteve të fundit. Megjithatë, blerësit po zgjedhin stoli më të lira dhe shpenzojnë më pak se më parë, ndërsa shitësit vënë re një ndryshim në modelet e blerjes. Ekspertët lidhin rritjen e çmimit të arit me interesin në rritje të investitorëve për këtë metal si aset i sigurt në kohë pasigurie ekonomike dhe gjeopolitike.