Ministrja e Energjetikës së Maqedonisë, Sanja Bozhinovska, prezantoi Studimin e parë Kombëtar për Hidrogjenin, duke theksuar rëndësinë e ndërtimit të një infrastrukture të qëndrueshme dhe të përgatitur për prodhimin dhe përdorimin e hidrogjenit të pastër. Ajo nënvizoi potencialin gjeografik të vendit për të marrë një rol kyç në rrjetin pan-evropian të hidrogjenit, duke përmendur nevojën për lidhje fizike, rregulla të harmonizuara dhe bashkëpunim rajonal afatgjatë.