Banka Qendrore e Republikës së Kosovës (BQK) ka publikuar Raportin e Stabilitetit Financiar për vitin 2025, ku evidenton se sistemi financiar ka ruajtur stabilitet të lartë pavarësisht sfidave të shumta si tensionet gjeopolitike, presionet inflacioniste dhe kushtet më të shtrënguara të financimit. Raporti thekson se pozicioni i fortë fiskal, niveli i ulët i borxhit publik dhe disiplinë fiskale kanë ndihmuar në zbutjen e rreziqeve makroekonomike, ndërsa sistemi financiar ka treguar qëndrueshmëri edhe në skenarë të rënduar makroekonomikë dhe financiarë. Përveç stabilitetit financiar, raporti evidenton përparime në forcimin e qëndrueshmërisë operacionale dhe kibernetike, si dhe avancimin e digjitalizimit të shërbimeve financiare, duke rritur sigurinë dhe efikasitetin e sektorit. Megjithatë, BQK paralajmëron për pasiguri të vazhdueshme nga mjedisi ndërkombëtar, duke theksuar nevojën për politika të kujdesshme mbikëqyrëse dhe makroprudenciale për të ruajtur stabilitetin dhe për të mbështetur zhvillimin e qëndrueshëm ekonomik.