Në fabrikën e Prince Caffe në Pejë, pjesë e Devolli Corporation, po prodhohet kafe për brendin kroat Franck, e cila më pas eksportohet në Kroaci. Procesi i prodhimit përfshin faza të ndryshme, duke nisur nga përzgjedhja e lëndës së parë, testimet laboratorike, pjekja, bluarja dhe ambalazhimi final, të gjitha nën monitorim të rreptë për të garantuar cilësinë. Para fillimit të prodhimit, kompania kaloi me sukses një auditim treditor nga ekipi i cilësisë së Franck, ndërsa bashkëpunimi vazhdon me zhvillimin e produkteve të reja si “Strong”. Ky bashkëpunim është pjesë e një tradite të gjatë të Prince Caffe për eksportimin e produkteve me cilësi “Made in Kosovo” në tregjet ndërkombëtare.