Ministria e Bujqësisë, Pylltarisë dhe Zhvillimit Rural ka publikuar rekomandime të detajuara për fermerët për trajtimin e pemëve frutore të dëmtuara nga breshëri. Prioriteti kryesor është dezinfektimi i plagëve me preparate me bazë bakri, si hidroksidi i bakrit dhe oksikloruri i bakrit, për të parandaluar infeksionet bakteriale dhe kërpudhore. Pas 2 deri në 5 ditë, fermerët duhet të përdorin biostimulantë që ndihmojnë në rigjenerimin e indeve dhe përballimin e stresit fiziologjik, duke përfshirë aminoacide dhe ekstrakte algash. Ministria thekson rëndësinë e monitorimit të pemëve dhe zbatimit të trajtimeve fitosanitare sipas dëmtimeve dhe kushteve klimatike, duke iu referuar gjithmonë udhëzimeve profesionale dhe këshillave të Qendrave Informative Këshillimore.