Shoqata e Industrisë së Qumështit ka publikuar një udhëzim të detajuar për supermarketet lidhur me procedurat që duhet të ndjekin gjatë inspektimeve. Ky udhëzim synon të ndihmojë operatorët ekonomikë të jenë të përgatitur dhe të sigurojnë që procesi i inspektimit të zhvillohet në mënyrë të rregullt dhe transparente. Shoqata thekson se udhëzimi nuk ka për qëllim të pengojë punën e inspektorëve, por të nxisë bashkëpunimin e plotë mes bizneseve dhe autoriteteve kompetente. Në dokument përfshihen hapat që supermarketet duhet të ndjekin për të kuptuar të drejtat dhe përgjegjësitë e tyre gjatë kontrolleve, duke respektuar procedurat ligjore dhe duke mbështetur kontrollin e produkteve ushqimore.