Kompania Scardian Sigurime dhe linja ajrore Wizz Air kanë nisur një bashkëpunim të ri që integron sigurimin e udhëtimit direkt në procesin e blerjes së biletës dhe në boarding pass-in e pasagjerëve nga Kosova. Ky partneritet sjell një mënyrë më moderne dhe praktike për të siguruar udhëtimin, duke e bërë sigurimin pjesë natyrale të eksperiencës së fluturimit dhe duke ofruar më shumë siguri dhe qetësi për udhëtarët. Bashkëpunimi përfaqëson një hap të rëndësishëm drejt digjitalizimit dhe modernizimit të shërbimeve të sigurimit në Kosovë, duke reflektuar përkushtimin e Scardian për zgjidhje inovative dhe të orientuara drejt klientit. Përmes këtij partneriteti strategjik me Wizz Air, klientët përfitojnë nga një eksperiencë më e thjeshtë, më e shpejtë dhe më efikase në sigurimin e udhëtimit.