Sindikata e Punëtorëve të Radiotelevizionit të Kosovës (RTK) i ka bërë thirrje të gjithë bordit të ri dhe menaxhmentit të institucionit që të zbatojnë pa vonesë vendimin për pagën minimale prej 500 euro bruto, e cila hyn në fuqi më 1 korrik 2026. Në komunikatën e saj, sindikata thekson se kjo pagë nuk është privilegj, por një obligim ligjor që duhet të zbatohet në të gjitha sektorët e Kosovës, duke paralajmëruar se çdo vonesë apo shmangie do të raportohen në Inspektoratin e Punës dhe institucionet kompetente. Sindikata kërkon që punëtorët e RTK-së të mos trajtohen si kategori e dorës së dytë dhe kërkon respektimin e standardeve minimale ligjore dhe dinjitetit të punëtorëve. Ky apel vjen në një kohë kur disa punëtorë ende presin realizimin e kësaj të drejte ligjore brenda RTK-së.