Ministria e Politikës Sociale, Demografisë dhe të Rinjve njoftoi se zbatimi i një sistemi të ri softuerik për përpunimin dhe pagesën e të drejtave nga mbrojtja sociale dhe ajo e fëmijëve ka shkaktuar vonesa disa ditore në realizimin e pagesave. Ky sistem synon modernizimin dhe avancimin e proceseve për të ofruar shërbime më efikase, të sigurta dhe cilësore për përfituesit. Gjatë migrimit dhe harmonizimit teknik të të dhënave janë hasur sfida të paparashikuara që kanë zgjatur përpunimin dhe pagesat. Ministria siguron se të drejtat e përfituesve janë të garantuara dhe pagesat do të kryhen menjëherë pas përfundimit të këtyre punimeve, duke kërkuar mirëkuptim dhe durim nga qytetarët gjatë kësaj periudhe kalimtare.