Ministrja e Financave e Maqedonisë, Gordana Dimitrieska-Koçoska, zhvilloi një takim me homologun e saj sllovak, Ladisllav Kamenicki, ku u diskutua bashkëpunimi i thelluar ekonomik dhe transferimi i përvojës së Sllovakisë në zbatimin e reformave. Sllovakia shprehu gatishmërinë për të ndihmuar Maqedoninë në fushat e financave publike, luftës kundër evazionit tatimor dhe investimeve publike, duke mbështetur gjithashtu Strategjinë nacionale zhvillimore të vendit. Ministrja Dimitrieska-Koçoska theksoi rëndësinë e ruajtjes së stabilitetit makroekonomik dhe konsolidimit fiskal gradual, si dhe rritjen ekonomike përmes investimeve publike. Palët ranë dakord që bashkëpunimi ekonomik dhe lidhjet ndërmjet bizneseve duhet të forcohen për të avancuar proceset integruese dhe zhvillimore në Maqedoni.