Në kuadër të 100-vjetorit të themelimit të Prefekturës së Tiranës, kryetari i Aleancës Kosovare të Bizneseve, Agim Shahini, u takua me Presidentin e Republikës së Shqipërisë, Bajram Begaj, dhe kryetarin e Prefekturës së Tiranës, Shkëlqim Hajdarin. Gjatë këtij takimi u diskutua thellimi i bashkëpunimit ekonomik ndërmjet Kosovës dhe Shqipërisë, krijimi i mundësive të reja për bizneset dhe nevoja për forcimin e institucioneve të Kosovës në funksion të integrimit ekonomik dhe zhvillimit të qëndrueshëm. Shahini theksoi përkushtimin e AKB-së për të mbështetur çdo iniciativë që kontribuon në zhvillimin ekonomik kombëtar, rritjen e investimeve dhe krijimin e vendeve të reja të punës. Ky event shërbeu si një platformë e rëndësishme për shkëmbimin e ideve dhe forcimin e lidhjeve institucionale dhe ekonomike midis përfaqësuesve nga të gjitha trojet shqiptare.