Drejtori për Zhvillim Ekonomik dhe Inovacion në Komunën e Prishtinës, Luftar Braha, ka sqaruar se taksa prej 10 eurosh për hyrjen në qytet nuk do të aplikohet në të gjithë Prishtinën, por vetëm në zonën qendrore të kryeqytetit. Dokumenti që propozon këtë tarifë është aktualisht në fazën e dëgjimit publik dhe asgjë nuk është vendosur përfundimisht. Tarifa synon të prekë kryesisht automjetet e caktuara, si kamionët e ndërtimit, autobusët dhe makineritë e vjetra, ndërsa qytetarët që hyjnë në zona jashtë qendrës, si për shembull pas Pallatit të Rinisë, nuk do të paguajnë këtë taksë. Procesi do të vazhdojë me marrjen e komenteve dhe argumenteve nga publiku para se të merret vendimi final.