Ministrja në detyrë e Kulturës, Rinisë dhe Sportit, Saranda Bogujevci, mori pjesë në Forumin Ministror të Ballkanit Perëndimor për Ekonominë Kreative në Mal të Zi, ku prezantoi arritjet dhe planet e Kosovës në këtë sektor. Ajo theksoi rëndësinë e ekonomisë kreative si një mundësi kyçe për të rinjtë, inovacionin dhe krijimin e vendeve të reja të punës, duke nënvizuar strategjinë kombëtare për zhvillimin e industrisë kreative. Institucionet po punojnë për fuqizimin e këtij sektori përmes mbështetjes së artistëve, organizimit të festivaleve dhe zbatimit të Strategjisë së Ekonomisë Kreative. Qëllimi është që potenciali kreativ i Kosovës të shndërrohet në një motor zhvillimi ekonomik dhe promovimi ndërkombëtar të vendit.