Rritja e tensioneve mes Shteteve të Bashkuara, Iranit dhe Izraelit ka filluar të ndikojë në tregjet ndërkombëtare, duke sjellë rritje të çmimeve të energjisë dhe transportit. Profesori i ekonomisë Shkumbin Misini paralajmëron se këto zhvillime do të kenë pasoja të drejtpërdrejta në Kosovë, një nga vendet më të varfra në Evropë, ku kostoja e jetesës pritet të rritet ndjeshëm. Ai thekson se rritja e çmimit të naftës, e cila ka shënuar rritje deri në 30% në tregjet ndërkombëtare, do të ndikojë në mënyrë të veçantë në ekonominë e Kosovës, duke shkaktuar inflacion dhe shtrenjtim të produkteve dhe shërbimeve. Nëse konflikti vazhdon deri në fund të marsit, situata ekonomike pritet të përkeqësohet më tej me rritje të vazhdueshme të çmimeve dhe probleme serioze për qytetarët.