NP “Termokos” Sh.A. ka përfunduar sezonin ngrohës 2025/2026 pas 191 ditësh furnizimi të pandërprerë me ngrohje për mbi 25 mijë konsumatorë. Ky sezon ka qenë ndër më të gjatë dhe më të suksesshmit në historinë e ndërmarrjes, me fillim të furnizimit 8 ditë para afatit të zakonshëm dhe pa asnjë ndërprerje gjatë gjithë periudhës. Gjatë sezonit janë prodhuar 338.902 MWh energji termike, duke siguruar furnizim të qëndrueshëm dhe cilësor, ndërsa mbi 60% e konsumatorëve përfituan fatura më të ulëta falë faturimit sipas konsumit. Përmirësimi i shërbimeve dhe menaxhimi efikas kanë sjellë një rënie prej 70% të ankesave krahasuar me sezonin e kaluar, ndërsa Termokos planifikon të vazhdojë zgjerimin e rrjetit dhe realizimin e projekteve kapitale për sezonin e ardhshëm.