Ministrja e Industrisë, Ndërmarrësisë dhe Tregtisë, Mimoza Kusari Lila, priti ambasadorin austriak Georg Schnetzer në një takim ku diskutuan për zhvillimin ekonomik dhe thellimin e bashkëpunimit bilateral ndërmjet Kosovës dhe Austrisë. Ky ishte takimi i parë i ministres Kusari Lila në këtë mandat, ku u trajtuan edhe projektet e mbështetura nga Austria për Kosovën. Ministrja vlerësoi Austrinë si një partner të rëndësishëm ekonomik, veçanërisht në shkëmbimet tregtare dhe bashkëpunimin në sektorin privat. Ajo theksoi gjithashtu se tranzicioni i gjelbër dhe orientimi drejt një ekonomie të qëndrueshme mbeten prioritet i ministrisë, duke synuar një bashkëpunim afatgjatë dhe të qëndrueshëm me Austrinë.